សូមជម្រាបសួរលោកគ្រូ អ្នកគ្រូ និងប្អូនៗសិស្សានុសិស្សទាំងអស់គ្នា!
ខ្ញុំមានសេចក្តីសោមនស្សរីករាយសូមណែនាំអ្នកទាំងអស់គ្នា នូវការប្រឡងគណិតវិទ្យាអន្តរជាតិតាមប្រព័ន្ធអនឡាញដែលមានឈ្មោះថា« Caribou Contests» មានដើមកំណើតមកពីប្រទេសកាណាដា។ ឆ្នាំនេះសហគមន៍អ្នកគណិតវិទ្យាកម្ពុជាបានចុះអនុស្សរណៈយោគយល់គ្នាជាមួយនឹងវិទ្យាស្ថានស្រាវជ្រាវគណិតវិទ្យានៃសាកលវិទ្យាល័យ BROCK នៃប្រទេសកាណាដា។ ការប្រកួតប្រជែង គណិតវិទ្យា Caribou Contests គឺជាការប្រកួតតាមប្រព័ន្ធអនឡាញទូទាំងពិភពលោកដែលធ្វើឡើង ៦ដងក្នុងមួយឆ្នាំសិក្សាសម្រាប់គ្រប់កម្រិតថ្នាក់ចាប់ពីថ្នាក់មត្តេយ្យដល់ថ្នាក់ទី១២ (K/12)។
កាលបរិច្ឆេទប្រឡងសម្រាប់ឆ្នាំសិក្សា២០២២-២០២៣គឺ៖
១. ថ្ងៃទី១៩-២០ ខែតុលា ឆ្នាំ២០២២ ២. ថ្ងៃទី១៦-១៧ ខែវិច្ឆិកា ឆ្នាំ២០២២
៣. ថ្ងៃទី១៨-១៩ ខែមករា ឆ្នាំ២០២៣ ៤. ថ្ងៃទី១៥-១៦ ខែកុម្ភៈ ឆ្នាំ២០២៣
៥. ថ្ងៃទី០៥-០៦ ខែមេសា ឆ្នាំ២០២៣ ៦. ថ្ងៃទី០៣-០៤ ខែឧសភា ឆ្នាំ២០២៣។
គោលដៅនៃការប្រឡងនេះគឺដើម្បី៖
- ផ្តល់សកម្មភាព ដ៏ទាក់ទាញសម្រាប់សិស្ស ពីថ្នាក់មត្តេយ្យដល់ថ្នាក់ទី១២(K/12) ដែលមានចំណាប់អារម្មណ៍លើមុខវិជ្ជាគណិតវិទ្យា
- បង្ហាញថាការដោះស្រាយចំណោទគណិតវិទ្យាគឺជាភាពសប្បាយរីករាយហើយការប្រកួតប្រជែងគណិតវិទ្យាអាចមានអារម្មណ៍រំភើបនិងទាន់សម័យ។
ប្រសិនបើលោក អ្នក មានសាច់ញាតិ ឬសិស្សដែលមានចាប់អារម្មណ៍ក្នុងការប្រឡងនេះសូមជួយណែនាំពួកគេឱ្យស្គាល់ទំព័រហ្វេសប៊ុកផេក៖ Caribou Contests Cambodia តាមតំណភ្ជាប់ https://www.facebook.com/Caribou-Contests-Cambodia-105114001313913/ ដើម្បីទទួលបានព័ត៌មានផ្សេងៗអំពីការប្រឡង និងសម្រាប់ទំនាក់ទំនងចុះឈ្មោះចូលរួមប្រឡងហើយ ក៏អាចឆែកមើលព័ត៌មានតាមរយៈគេហទំព័រ៖ https://www.cariboutests.com/ ដើម្បីរៀនប្រឡងសាកល្បង និងស្វែងរកព័ត៌មានលម្អិតផ្សេងៗទៀតជាភាសាខែ្មរ និង៧ភាសាបរទេសផ្សេងទៀត។
*អ្នកឈ្នះការប្រកួតនឹងទទួលបានវិញ្ញាបនបត្រនិងរង្វាន់ជាប្រាក់ដែលចេញដោយអ្នករៀបចំ ការប្រកួតប្រជែង Caribou Contests នៃប្រទេសកាណាដា។
ព័ត៌មានលម្អិត សូមទាក់ទងមកផ្ទាល់តាមរយៈតេឡេក្រាម៖ ០៦៩៩៣០៥៥៥/ ០៨៨ ២០២៣២២១/០១១៦៩៧០៣៨ វិទ្យាស្ថានជាតិអប់រំ មជ្ឈមណ្ឌលស្រាវជ្រាវគរុកោសល្យជំនាន់ថ្មី។
អាស្រ័យដូចបានជម្រាបជូនខាងលើ សូមសាធារណជន មាតាបិតា អ្នកអាណាព្យាបាល លោកគ្រូ អ្នកគ្រូ និងសិស្សានុសិស្សជ្រាប និងចូលរួមតាមការគួរ។ សហគមន៍អ្នកគណិតវិទ្យាកម្ពុជា